‘n Lewe volgens God se wil

Ons kan alles van enigiets weet, maar as ons nie weet wat God se wil vir ons lewens is nie, mis ons juis dit wat die belangrikste in ons bestaan is. Dit sluit in die groot vrae: Hoekom jy hier is en wát nou eintlik God se wil is. Jy gaan die vreugde ontdek om sy planne vir jou lewe te volg en die besef dat dit in die eerste plek oor Hom en sy onbeskryflike liefde gaan. As jy "close" aan Hom bly, gaan jy sy wil elke dag agterkom en dit deur sy krag kan uitleef.